TMR Victory Speech

DECLARATION FROM TAUR MATAN RUAK, PRESIDENT ELECT, ON THE ANNOUNCEMENT OF THE RESULTS OF THE PRESIDENTIAL ELECTIONS, 2012‐2017

(Tetun iha Kraik)

Dili, APRIL 18, 2012

With the announcement of the final result of election by STAE, despite that the Court of Appeal has yet to proclaim the final result, I would like to make my first declaration:

1 – The first part of my statement is intended for the dearest people of Timor Leste. You have shown to the world through your activism, discipline and engagement that we are ready to assume responsibility over our own future. Therefore, I humbly stand before you to state that I am ready to accept the responsibility which you have bestowed upon me through a free and democratic election.

2 – I would like to convey a special message to my brother and compatriot Lu‐Olo. He adopted an exemplary and dignified posture well throughout the campaign period. To the militants and

sympathizers of FRETILIN, I would like to say that no one will be excluded. Our country needs all of us, every Timorese. As responsible citizens they honour FRETILIN, a historic party; it deserves our respect.

3 – I would like to thank organizations, political parties and individuals, in the spirit of fraternity, who collaborated with me throughout the process beginning from the 10th of October last year. A collaboration heightened during the two electoral rounds:

Veterans

Region I

Region II

Region III

Region IV

Autonomous Region

Mass Based Organizations

01‐001

Central Haburas

Dentri Halibur

Dentri JHS

DewanSolidaritas

Ex‐Military

FITUN

FOK‐FALINTIL

FRAP‐FALINTIL

Fuan Domin

HAOK

Student Youths

Klibur Juventude Resistência

Mate Restu Bibleo Kraras

OCRN/CPD‐RDTL

OJETIL

OPJELATIL

OPMT/OMT

Organização Arte Jenatos

2

Organização Resistência Loriku Matu Dotu (ORLMD)

Organização Unidade Nasional

Sagrada Família

Santo António/Bua Malus

Unidade São José/JHS

Political Parties

ASDT

CNRT

FRENTE MUDANÇA

Members of RETILIN

Members of PD

Members of PSD

PDM

PST

UDT

UNDERTIM

PR

Aileba

For all the work performed in the last few months. For all the dedicated men and women who wholeheartedly and tirelessly worked for my candidature; My Victory Team! All and each one

of you, Thank You very much!

4 – My appreciation also goes to the hard and competent work carried out by STAE and CNE. They have shown competency and political will to ensure that the elections were democratic, free and just. Without their dedication and performance, the last election would not have achieved the same success. Also I have not forgotten to convey my sincere appreciation to the ballot representatives and all the national observers for their discrete but eficacious work.

5 – I would like to express my appreciation in the spirit of friendship to the journalists and all the national news agencies for their tireless work. Timor Leste counts on you in the future to

guarantee our population access to information. This serves as an instrument to enhance our people’s participation and angagement in our country’s development process.

6 – I also would like to express my sincere appreciation to the international community for their support which they have given to us. The role of international observers and international news agencies, who participated in the last two elections and who covered the elections through producing reports and articles which guarantee credibility of the electoral act to meet international standards. The world knew about the peaceful atmosphere and strong political maturity from you. Thank you for coming here, either from afar or nearby, to transmit to the world about the way Timor Leste is growing and fortifying itself as a sovereign nation‐state.

7 – I also would like to convey my homage to all religious groups in Timor Leste. I am reminded of the peace actions during the process which ended on April 16.

8 – As a basic duty, I would like to acknowledge the role of my family throughout the process and allowing me to come together and talk to you here today.

3

9 – I would like to convey a very special message to the outgoing President of the Republic, Dr. José Ramos‐Horta, for all the support he has given during all these years. I am certain that all

the citizens also share my profound appreciation for his noble work; competent and dignified work which he has done for the motherland. Mr. President, Excellency, the people will continue to count on you. After a much deserved break, I hope to continue to count on you, on your experience, vast knowledge and dedication to the country.

10 – I am aware of the extent of the responsibilty which I will take upon me from 20th of May onwards. I count on the precious contributions from my two predecessors ‐ Xanana Gusmão and Dr. José Ramos‐Horta – for a future filled with Peace, Prosperity and Development for our country.

11–I would like to reaffirm, the motto I pronounced in the beginning of that long process:

TOGETHER FOR A PROSPEROUS, STRONG AND SECURE TIMOR LESTE.

After all, this objective can only be attained if the citizens also participated and became engaged, only if they cooperate and became active in the development of our country.

Democracy will not advance and become solid without a responsible citizenry.

I wanted to be a President for ALL TIMORESE. And I want every Timorese to get involved in the building of our nation’s future to ensure a better life for all the citizens.

I count on all of you. THE FUTURE OF TIMOR LESTE COUNTS ON ALL OF YOU!

===

DEKLARASAUN HUSI TAUR MATAN RUAK, PREZIDENTE ELEITU, KONA BA PROKLAMASAUN

REZULTADU ELEITORAL BA PREZIDENTE REPÚBLIKA, 2012‐2017

Dili, 18 Abril 2012

Ho rezultadu nasional final i nebe STAE aprezenta ona no, maske, Tribunal Rekursu seidauk proklama, ha´u sei hato´o ha´u‐nia deklarasaun ba dahuluk:

1 – Ha´u nia liafuan ba dahuluk, mai husi ha´u‐nia laran no diriji ba ita‐nia Povu doben Timor‐Leste. Basá hatene hatudu ba Mundu katak, hosi sivismu, disciplina no empeñu, ita prontu ona atu assumi responsabilidade kona ba ita‐nia futuru; ho haraik‐aan tebes ha´u anuncia katak ha´u simu responsabilidade be imi fo ba ha´u liu husi votu livre no demokrátiku.

2 – Ha´u hakarak hato´o nebe lia fuan espesial ida ba ha´u‐nia Alin no Kompañeiru Lu‐Olo. Ninia postura nebe nia asumi durante tempu kampaña tomak sai hanesan exemplar no dignu. Ba militante Fretilin sira, ha´u hakarak hatete katak la íha ema ida mak sei esklui. Ita nia rai presiza Timor‐oan Hotu Hotu. Hanesan sidadaun responsável, ke fo onra ba partidu istóriku Fretilin, ke merese ita hotu nia respeitu.

3 – Ha´u hakarak agradese, ho fraternidade no kariñu, ba organizasaun, partidu no indivídu hotu hotu kolabora ho ha´u íha prosesu ne´é tomak ke ita hahu husi loron 10 Outubru tinan ida

liu ba no, ho intensidade bo´ot liu, durante kampaña eleitoral rua ne´é:

Veteranu

Rejiaun I

Rejiaun II

Rejiaun III

Rejiaun IV

Rejiaun Autónoma

OrganizasaunMasa

01‐001

Central Haburas

DentriHalibur

Dentri JHS

DewanSolidaritas

Eis‐Militar

FITUN

FOK‐FALINTIL

FRAP‐FALINTIL

FuanDomin

HAOK

Juventude Estudantes

Klibur Juventude Resistência

Mate RestuBibleoKraras

OCRN/CPD‐RDTL

OJETIL

OPJELATIL

OPMT/OMT

Organização Arte Jenatos

Organização Resistência Loriku Matu Dotu (ORLMD)

2

Organização Unidade Nasional

Sagrada Família

Santo António/Bua Malus

Unidade São José/JHS

PartiduPolitiku

ASDT

CNRT

FRENTE MUDANÇA

Militantes Individuais da FRETILIN

Militantes Individuais do PD

Militantes Individuais do PSD

PDM

PST

UDT

UNDERTIM

PR

Aileba

Ba servisu be realiza durante fulan hirak ikus mai, mane no feto sira ke dedika sira‐nia laran ba ha´u‐nia kandidatura. Ha´u‐nia Ekipa da Vitória! Ba hotu hotu no, ba kada ida ida, ha´u‐nia obrigadu wain!

4 – Ha´u agradese mos servisu todan no kompentente nebe STAE no CNE halo. Sira hatudu katak ita íha duni vontade polítika no kompeténsia atu hala´o atu eleitoral demokrátiku, livre no justu. Sem imi‐nia dedikasuan no imi‐nia empeñu, eleisaun ida ne´é sei la hetan susesu ida ke hanesan. Ha´u sei la haluha atu hato´ó mos ha´u‐nia agradesimentu ba voluntáriu, fiskal no observador nasional hotu hotu ba servisu diskretu no efikaz ke realiza.

5 – Ha´u agradese ho forma amistoza ida ba jornalista no órgaun komunikasaun sosial nasional hotu hotu ba servisu inkansável ke sira halo. Timor‐Leste konta ho imi íha futuru atu garante asesu ba informasaun ba ita‐nia populasaun no, nune´é, sai hanesan instrumentu ida ba envolvimentu no empeñamentu ita‐nia Povu íha prosesu dezenvolvimentu ba ita‐nia rai.

6–Ha´u hakarak mos hato´ó ha´u‐nia agradesimentu ba komunidade internasional, ba apoiu ke fo ona ba ami. Knar husi observador internacional no husi komunikasaun sosial internasional, ke marka prezensa íha elisaun rua ne´é, no ba kobertura ke hala´o liu husi relatório no artigu, ke garante kredibilidade ba atu eleitoral ida ne´é hodi merese sai tuir hanesan nível internasional. Liu husi imi mak Mundu hatene kona ba ambiente pasífiku no maturidade bo´ot basá aktu eleitoral ida ne´é hala´o. Obrigadu atu mai to´o íha ne´é, besik ka dook no hodi transmiti ba Mundu oin sa mak Timor‐Leste bo´ot ba dadaun no fortalese hanesan nasaun soberana ida.

7 – Ha´u hato´ó mos ha´u‐nia omenajen ba konfisaun relijioza sira íha Timor‐Leste. Ha´u hanoin hikaas fali ba asaun be hala´o ba Paz durante prosesu ida ne´é tomak ke remata íha 16 Abril.

8 – Hanesan dever elementar ida mos atu ha´u rekoñese ha´u‐nia família ninia knaar be hala´o íha prosesu ida ne´é no permiti ha´u atu bele íha hamutuk hodi koalia ho imi íha ne´é ohin.

3

9 – Ha´u hakarak atu hato´o lia fuan especial ida tebes ba Prezidente Repúblika sesante, Dr. José Ramos‐Horta no hato´o ha´u‐nia agradesimentu ba apoiu tomak, ke íha tinan barak nia

laran, sempre dedika ba ha´u. Ha´u fiar katak sidadaun sira tomak mos kompartilla ho ha´u agradesimentu klean ida ba servisu nobre, kompetente no dignu tebes ke hala´o ba Pátria.

Señor Prezidente, Exelénsia, Povu sei kontinua atu konta ho ita no, liu tiha deskansu ida ke ita merese duni, ha´u husu atu ha´u sei bele kontinua atu konta ho ita bo´ot, ba ita‐nia experiénsia, matenek i no dedikasaun ba País.

10 – Ha´u konsiente tebes ba responsabilidade be ha´u sei assumi hahu husi 20 Maiu. Ha´u konta ho kontribuisaun presioza ida husi ha´u‐nia antesesor na´in rua ‐ Xanana Gusmão no Dr. José Ramos‐Horta – ba futuru ida ke ho Paz, Prosperidade no Dezenvolvimentu ba ita‐nia rai.

11–Ha´u hakarak atu reafirma, lema be ha´u anuncia íha inísiu prosesu naruk ne´é: HAMUTUK BA TIMOR‐LESTE IDA KE RIKU, FORTE NO SEGURU.

Ho ida ne´é hotu, objetivu ida ne´é só bele atinji se sidadaun sira mos partisipa no empeña‐aan mos atu lori ita‐nia rai ba oin, se kopera no sai ativu íha dezenvolvimentu ita nia rai nian.

Demokrasia ida sei la avansa no sai sólidu sem sidadania responsável.

Ha´u hakarak sai Prezidente Timor‐oan HOTU HOTU no ha´u hakarak atu Timor‐oan HOTU

HOTU mos envolve hodi compromete ba futuru ita‐nia rai nian atu ita bele garante moris ida diak liu ba sidadaun hotu hotu.

Ha´u konta ho imi HOTU HOTU. Futuru TIMOR‐LESTE konta ho imi hotu hotu!

Rasaun 10 Tamba sa Taur Matan Ruak (TMR) sei sai Presidente Ideal ba Timor Leste

Husi: Josh Trindade

1.      TMR Timoroan nebe komprende ‘Timoroan nia Susar no Terus’

TMR laos deit ema nebe ‘makan garam’ iha Timor Lorosa’e maibe nia mos senti ona maek nia katar, koto moruk no akar. Signifika katak TMR iha esperiensia no kuinhesementu nebe klean kona ba sosiedade Timor ho ninia situasaun no problema sira nebe sira infrenta. Lider barak mak laiha abilidade ida ne’e. So Timoroan nebe mak senti duni terus Timoroan ninia lolos mak bele iha senti ida ne’e ho nia fuan. Iha lider barak temi kona ba Timoroan nia terus no susar. Maibe sira temi iha ‘ibun-tutun’ deit hodi dada povu nia simpatia atu vota ba sira. Lider sira hanesan ne’e, so bele koalia Timoroan nia terus no susar maibe sira la sente liafuan ida ‘susar no terus’ ninia sintidu lolos ba Timoroan.

TMR, wainhira koalia kona ba Timoroan nia susar no terus, laos ho ibun-tutun deit, maibe nia sente ho ninia laran saida mak ida ne’e. TMR iha abilidade hodi relata ba Timoroan nia terus no susar tamba karakter no kapasidade nebe nia iha agora, produs husi susar no terus nebe Timoroan hotu esperiensia ona. Nia mai husi familia nebe kiak husi foho neba. Husi ki’ik (tinan 4) kedas, nia tenke sai husi uma iha Baguia ba  hela ho nia Tiun sira iha Dili. Otas sei joven hela, nia tama ona iha FALINTIL hodi funu hasoru inimigu. Entaun husi esperiensia sira ne’e, wainhira ita koalia kona ba ‘Timoroan nia susar no terus’, nia laos deit hare ho matan, maibe nia senti ho ninia fuan.

2.      TMR la uja ‘biban iha dalan klot’ iha krise 2006 hodi halo kudeta no sai ditadura

Iha ema barak akuza TMR dehan nia mak responsabliza ba Krisi 2006. Maibe ida ne’e la los tamba momentu neba nia halo decisaun ‘militar’ laos decisaun ‘politika’. Decisaun militar katak ‘semak kontra regras militar nia tenke sai’.

Iha ema balun akuza katak nia iha tendencia atu sai ditadura. Ema sira nebe hasai liafuan ida ne’e mak ‘lawan politik’ TMR nia no ema sira nebe la kuinhese personalidade TMR nia. Se  TMR hakarak sai ditadura karik, nia halo tiha ona iha durante krise 2006/7. Se nia hakarak sai ditadura karik, nia la presija hakolen an hodi resigna an husi nia kargo nudar ema numeru 1 iha F-FDTL depois mak tuir fali eleisaun, depois se manan eleisaun karik sei sai ditadura. Se TMR hakarak sai ditadura, nia halo tiha ona ‘kudeta’ iha momentu dalan klot hela. Entaun akuzasaun sira ne’e la los.

3.      TMR Hakarak sai ‘Servi Nain, laos Ukun Nain’

TMR hanesan lider ida nebe uniku tebtebes. Nia iha karisma nudar lider ideal ba nasaun Timor Lorosa’e. Nia iha kualidade lideransa nebe Timoroan sira presija. Kualidade nebe nia iha nudar lider diak ida mak hanesan, ‘TMR ema nebe hatene hakraik an, fo ejemplu diak ba Timoroan seluk, hatene hakoak no halibur ema hotu, koko bebeik atu kompriende situasaun, bele rona opiniaun husi parte hotu, nia la gava an dehan nia mak hatene buat hotu, no nia hakarak atu ‘servi’ povu laos atu ‘ukun’’. So kolonialista deit mak hakarak ukun, maibe Timoroan tenke hatene ‘servi’, tamba TMR kompriende katak atu sai presidente republika lolos nia atu “Sai atan ba povu”. TMR ‘servi nain, laos ukun nain’.

4.      TMR iha vontade diak atu desenvolve Timoroan sira nia Kapasidade

Iha dokumentu dekralarasaun simu kandidatura ba Presidente Republika ba Periodo 2012-2017, TMR deklara katak nia sei “dudu prosesu tranzisaun jerasional hodi fo auto-konfiansa ba foinsa’e sira hodi hamrik ba oin iha areas hotu-hotu”. Ida ne’e evidensia ida nebe harudu katak TMR hakarak loke dalan luan ba Timoroan tomak, liuliu foinsa’e sira atu partisipa iha prosesu konstrui nasaun-estadu. TMR kompriende katak, atu hadia Rai Timor, papel no kontribusaun Timoroan tomak esensial tebtebes. Nia fo valor as tebtebes ba Timoroan sira nebe produs ideia diak ba rai ida ne’e. Laos hanesan lider balun nebe la gosta wainhira hare Timoroan ruma iha matenek no iha kapasidade.

TMR nia objetivu ida mak atu loke dalan hodi produs Timoroan nebe matenek atu desenvolve rai ida ne’e. Neduni, TMR mai atu loke dalan ba jerasaun foun, laos atu taka dalan ba sira ou atu hela metin no sai ditadura hanesan ema akuza nian.

5.      TMR Sei Halao ninia Knar Lolos tuir Konstituisaun nia Mandatu

TMR kompriende katak, atu sai presidente ninia poder tuir Konstituisaun RDTL limitadu tebtebes. Nia sei koko atu halao deit knar sira nebe defini ona iha Konstituisaun husi artigu 74 to’o iha 89. Nia sei la interfere servisu orgaun soberania seluk hanesan Governu, parlamentu no justica nian.

Maibe se ema hili TMR sai Presidente iha periodo ida ne’e, Nia sei servisu ho orgaun soberania sira seluk hodi hadiak povu nia moris. Ejemplu, nia labele halao knar Governu nian hodi hadiak povu nia moris, maibe nia bele innfluensia orgaun soberania sira seluk hodi kria lei no politika hodi loke dalan ba povu nia moris diak. Vota ba TMR!

6.      TMR sei servisu ho parte hotu-hotu nebe iha hanoin diak atu desenvolve TL

“Hau mai atu halibur laos hafahe, se hafahe hau la mai”. Liafuan ida ne’e TMR hasai iha okasion barak. Sintidu katak, TMR sei servisu ho parte hotu nebe iha hanoin no planu diak ba povu nia moris diak.

Vantajem diak ida ba TMR mak nia kandidatu independente laos mai husi partidu ida, mesmu iha prtidu barak suporta nia husi kotuk. Nudar kandidatu independenti, ida ne’e sei hamamar nia hodi servisu hamutuk ho parte hotu-hotu. Evidensia hatudu katak, seidauk sai presidente mos nia halibur ona ema barak. Ejemplu, iha ninia Ekipa da Vitoria (Tim Sukses), iha barak husi parte oioin mak servisu ba nia. Iha representante husi CNRT, FRETILIN, PD, PSD, PDN, CPD-RDTL, Sagrada Familia, grupu intellektual, nsst. Grupu ou individual sira nebe uluk inimigu malu, agora sira dame malu tamba suporta TMR ba presdiente republika. Nudar ejemplu ida, CPD-RDTL durante ne’e lakohi rejistu sira nia an atu tuir eleisaun, maibe tamba sira lakohi lakon sira nia vota ba TMR, entaun sira agora rejistu hotu ona. Ida ne’e evidensia ida nebe hatudu katak TMR sei hakuak parte hotu no ema sira nebe durante ne’e marjinaladu. Iha TMR nia Ekipa da Vitoria, iha individual sira nebe iha influensia barak ho masa hanesan Sr. Lekisera, Sr. Aitahan Matak, Sr. Railos, nsst.

7.      TMR hakarak hadiak relasaun nebe diak entre Timoroan Sira

Prioridade ida husi TMR nia programa mak hadiak relasaun entre grupu Timoroan sira, liu-liu sira nebe hela iha base. TMR iha visaun ida katak, relasaun harmonia entre Timoroan hanesan fator xave iha nasaun ida ne’e tamba, relasaun nebe diak kontribui ba unidade nasional, kontribui ba dame no hakmatek, fo dalan ba desenvolvementu nasional hodi lao ba oin no ida ne’e sei asegura moris diak ba Timoroan hotu.

8.      TMR sei hametin no hamosu unidade no identidade nasional ba Timoroan sira

Unidade hanesan fator xave ida nebe nasaun persija hodi garantia prosesu desenvolvementu nasioanl. Unidade entre Timoroan agora dadaun iha nivel nasional fraku tebtebes. Nune’e objetivu ida husi TM mak sei promove valor unidade nasional sira hanesan ‘unidade iha diversidade nia laran’. Iha kontextu unidade nasional, TMR mos planu atu hamosu filosofia nasaun ninia hodi fo matan dalan ba desenvolvementu nasional. Unidade nasional sei sai hanesan politika nasional ida. TMR mos sei loke dalan ba konstrusaun identidade nasional. Se TMR sai presidente karik, nia sei fo spasu ba fonsa’e sira atu espresa sira nia an iha dalan nebe positivu, atu nune’e sira bele desenvolve talentu pesoal nebe sira iha.

9.      TMR Luta ona ba Rai Timor Tinan 36. Fo an ba Timor no terus hamutuk ho povu ida ne’e

TMR hanesan ema Timoroan ida nebe lori rasik ninia krus durante luta iha ailaran. Ho ninia terus no sofrementu durante luta iha ailaran, nia iha lejitimidade atu sai presidente no serve povu no rai ida ne’e. Ninia sakrifisiu ba rai no povu ida ne’e provas tiha ona. Nia hatudu ona ninia vontade diak ba povu ida ne’e. Nia sei sai presidente ida nebe diak ba povu, no sei lori povu ida ne’e ba dalan diak no moris diak. Ita ida-idak bele konta rasik ninia kontribusaun durante funu hasoru Indonesia iha 24 anos nia laran. Nia fo ona nia vida ba rai Timor hamutuk tinan 36. Agora nia hakarak fo an hodi servisu ba rai ida ne’e tinan 5 oin mai nudar presidente republika.

10.  TMR hatene kultura Timoroan nia

Tamba sa ida ne’e importante? Atu sai servi-nain nebe diak, kestaun ida ne’e importante tebes. Kompresaun TMR nebe diak kona ba kultura Timoroan nia sei hamamar nia hodi halao ninia servisu rasik. TMR iha Uma Lulik rasik. Ida ne’e hatudu katak, nia senti orguilhu nudar Timoroan. Wainhira nia kompriende kultura Timoroan nia, signifika katak nia mos komprende lolos saida mak Timoroan nia karakter, sira nia mehi no problema nebe sira infrenta.

Iha rasaun barak tamba sa Timoroan sira tenke fo fiar ba TMR hodi lori no servi rai ida ne’e iha tinan 5 mai. Vota ba TMR signifika vota ba moris diak no futuru diak, laos deit ba ita nia jerasaun agora, maibe ba mos ba jerasaun aban bainrua.

VOTA BA TMR!