Sunday, October 7, 2012

Barlaki no Violensia Domestika iha Timor-Leste


Josh Trindade

Ohin kalan, (05/10/12) iha noticia TVTL kona ba lansamentu livru peskija, “Barlaki no Violensia Domestika iha Timor-Leste”,  halo hau husu pergunta barak kona ba ‘Timoroan’. Tamba iha intervista, Feto Maluk Peskija Nain ida dehan nunue’e: “violensia domestika mosu laos tamba barlaki, maibe tamba mane mak iha poder barak liu. Ami feto mak fo poder barak liu ba mane”.  Hau hakfodak tebes wainhira Feto Maluk ne’e dehan, “Ami feto mak fo poder barak liu ba mane”. Ida ne’e hatudu katak, Feto Maluk ne’e hatene valor esensial kultura Timoroan nian, nia hatene katak mane nia poder-maskulinu ne’e mai husi feto. Poder ne’e husi feto, tamba feto mak fo moris, laos mane mak hahoris. Tamba ne’e mak, ema nebe kaer biru makas oinsa mos, nia sei mamar wainhira besik feto. Feto bele fo poder ba mane tamba nia iha autoridade-femininu. Iha Timor nia kultura (mundu kosmolijia), autoridade-femininu mak manda poder-maskulinu.

Realidade tamba sa mak agora mosu violensia domestika barak? Aliende “ita nia feton sira fo poder barak liu ba mane”, mane sira mos persija poder ida ne’e hodi halo funu kontra inimigu. Durante funu, Timoroan tomak (feto ka mane) glorifika valor maskulinu para iha forsa hodi funu kontra kolonialista sira. Durante funu, ita Timoroan mos justifika violensia wainhira ita oho soldadu Indonesia nian. Husi ita nia pontu de vistu, ita la halo sala, tamba ita defende ita nia an ita ia Rain. Maibe, hahalok violensia sira nebe ita uza durante funu, dala ruma ninia restu balun sei iha ita nia hanoin ou hahalok. Dala barak ita la rekuinhese ida ne’e. Segundu, ita hatene durante okupasaun Indonesia no Portuguesa, buat ida dehan ‘vioelensia iha publiku”, nebe kolonialista sira halo mai ita, atu ‘hatauk ita’, ‘hanehan ita’, ‘ha-atan ita’, sei nurak hela iha ita nia hanoin. Ita ba eskola, sira baku. Ita la hatene sira baku, Ita hatene barak liu sira baku. Ita tur nonok deit mos sira baku. Wainhira ita fila ba uma, ita sai tauk ten tiha iha ita nia Inan no Aman nia oin. Maibe ita nia Inan-Aman la hatene eskola ne’e saida, entaun sira hanoin katak ‘violensia ne’e mak dalan hanorin ema sai ema’.  Barak husi ita sei iha hanoin ida ne’e. Neduni hahalok violensia, bele iha ita nia kultura rasik, maibe kolonialista sira halo buat ne’e estraga liu tan.

Hau nia pergunta mak ne’e, “Noi oan sira, tamba sa mak imi fo poder barak liu ba mane hodi baku imi. Tamba sa mak imi la fo poder oituan deit ba mane?”

Azevedo Marcal hau sente barlake no violencia domestika iha kausalidade karik. precisa estudu ruma atu bele hatene se iha kausalidade kalae entre barlake no violencia domestika. Konaba feto mak fo poder ba mane nee la dun tama ita nia ulun, tanba oinsa mak (dala barak) feto mak sai tiha vitima maibe nia nafatin fo poder ba mane atu halo nunee ba nia. hau sente relasaun nebe besik liu no karik iha kausalidade mak entre barlake no violencia domestika. karik precisa studu / peskija ruma hodi bele hare. abracos

Arsenio Borromeu Resultadu sei lahetan, wainhira variabel ida nebe maka ita hatama la LOS tiha na hodi buka resolve sobre Violensia Domestika.
Relasaun entre Barlake no Violensia Domestika no mos Puder no Violensia domestika la dun signifikante hodi hamosu attetude Violensia. Tuir hau nia hanoin maka: Ekonomia no faktores "Domin" bahasa karik bolun "Semburu".
Abraso

Josh Trindade Violensia mosu tamba mane sira la simu iha sira nia ulun katak feto sira mak kaer autoridade (fo poder). Logika ida ne'e mos hanesan, "povu kbi'it laek sira mak fo poder ba Governu hodi kaer estadu". Povu sira nebe poder laiha, sira tau hamutuk sira nia an hodi fo poder ba Governu sai forsa. Maibe realidade saida? Governu seidauk hare kbri'it laek sira ho didiak. Sira uza sala poder ne'e hodi halo terus povu. Hanesan mos mane sira uza sala poder hodi baku feto. Haluha tiha katak, poder ida husi feto ne'e hodi proteje no fo siguransa. LAOS BAKU!..... Halo ba, FETO MAROMAK!

Arsenio Borromeu Demokrasia hatudu na katak PUDER iha POVU nia liman.
Lei maka fo limitasaun ba Estado nia PUDER...respetu Lei maka sei respeitu Povu nia Direitu.
Situasaun maka halo ema baku malu (Violensia Domestika), Puder hanesan mos forsa ida..no ida ne'e Natureza hatu'ur kedas na.
Tuir los ita buka Causal, Laos mai atu troka fali saida maka natureza tau ona...
Abraso

Josh Trindade BAKU FETO ne'e LULIK. Ida ne'e natureza hatur ona hanesan Belun Arsenio Koalia.....

Arsenio Borromeu Maluk, hau la komprende ita bo'ot nia statement

Josh Trindade ida nebe?

Josh Trindade Koalia mai...

Arsenio Borromeu Ehmmm....natureza hatu'ur na..lao's entermo de baku feto ne'e lulik...espera hau la komprende sala...maibe..faktus katak "hukum rimba" ida n'e be maka forsa maka nia maka manda

Josh Trindade Hukum rimba duni, maibe maibe ita defini ita nia an nudar 'EMA'. Laos animal laod tuir deit lei natureza tuir ninia insting. Se ita ema baku malu tuir natureza, entaun ita Ema nudar spesies/kriatura ida lakon (punah) tiha ona. Keta uza fali natureza ida hanesan relasaun predator-prey (leon-bibirusa) hodi kompara FETO HO MANE nia relasaun tamba buat rua ne'e la hanesan. Bele kompara ralsaun feto ho mane entre LEON INAN no LEON AMAN.... Se LEON AMAN tata LEON INAN loron to'o mate, depois saida mak akontese ba LEON AMAN? otomatis nia mos mate, nia jerasaun mos laiha tan. Tamba ne'e mak natureza hatur katak, LEON INAN no AMAN servisu hamutuk hodi haburasa sira nia jerasaun (gen).... ho logika ida ne'e, ita LABELE JUSTIFIKA VIOLENSIA BA FETO....

Arsenio Borromeu Sei humano ne'e perfeito....Mundo sai na saida los??
Tanba ida ne'e ita buka Causal

Josh Trindade Natureza fo ita abilidade oioin hodi kontra ida ne'e, maibe dala barak Ema Kriatura mak uza sala abilidade sira ne'e.... tamba ne'e mak violensia mosu iha uma laran, iha sosiedade, no entre nasaun ho dalan kolonialismu ou dalan selseluk....

Josh Trindade Ita nia statemen ida dehan katak ‘faktus katak “hukum rimba” ida n'e be maka forsa maka nia maka manda’, ida ne’e los. Maibe ita nia definisaun mai husi malae sira nia matenek nebe dehan katak buat ida ‘forsa, puder, valor maskulinu’ ne’e ninia limitasaun laiha. Hanoin ida ne’e sala. Tuir Lulik ninia definisaun, hukum rimba lolos defini ‘valor femininu’ mak manda ‘valor maskulinu’. Iha mundu animal, inan sira mak hili abilidade, kapasidade, kualidade ou gen saida mak sira prefere. Ejemplu, manu inan ida nia sei tetu no hare lai mak foin nia fo nia aan ba Manu Aman. Saida mak manu inan ne’e tetu? Manu inan dala ruma hare ba manu aman nia fulun, nia kor, nia kokoroek, nia forsa, nia ‘kado’ manu inan hatene ka lae, nsst. Se manu inan tetu ba mak manu aman ne’e nia kualidade la subsiente, entaun manu inan la fo an. Saida mak akontese? Manu aman duni tuir manu inan, dala ruma manu aman halai makas liu, entaun manu aman bele hatama hela ninia gen ba manu inan. Maibe keta hanoin katak, manu aman duni hetan to’o kaer manu inan, to’o fo ninia aan signifika katak manu inan submete ba manu aman? LAOS. Iha momentu ida ne’e, MANU INAN MAK MANAN. Tamba manu inan hare katak, manu aman ne’e mesmu nia ‘oin aat’, maibe nia iha forsa hodi halai kaer manu inan. Manu Amann hatudu kualidade maskulinu ida nebe manu inan gosta tebes. Tamba ne’e mak manu inan submete ba manu aman hodi MANAN, laos hodi LAKON ba manu aman. Ida ne’e hatudu momos valor maskulinu loloos submete ba valor feminine.

Oinsa ita hatene feto nia autoridade hodi kontrola moris iha mundu modernu? Hau fo ijemplu ida. Iha segredu publiku ida iha Reinhu Unidus (Englatera) katak, Lou Diana (Princesa Diana) ninia oan mane nain rua, Baino William no Baino Harry, laos Liuraioan Charles ninia oan. Rumoris publiku ida ne’e hatutan katak, Baino nain rua ne’e ninia aman loloos mak jeneral ida husi forsa armadas naran James Hewitt, Lou Diana nia doben tuan. 
Hau la debate kona ba rumoris ida ne’e los ka la los. Hau hakarak foti kestaun kona ba oinsa feto (valor femininu) kontrola moris. Husi istoria Lou Diana ninia, hatudu momos katak, mesmu nia kaben ho Liuraioan Charles, nini insting nudar feto, nudar inan ida, hili James Hewitt hodi hatutan nia jerasaun. Liuraioan Charles bele iha poder barak, maibe nia labele halo buat ida hodi hapara Lou Diana ninia insting nudar feto hodi kontrola moris. Neduni, ita bele paksa ou baku feto, maibe BAINHIRA FETO HATUR NIA AAN LOLOS, mane sira sei hakruk hotu!..... abc

Josh Trindade Valor femininu atrai valor maskulinu hodi fo kompletu no proteje. Laos atu baku ou estraga....

Arsenio Borromeu Limitasaun tengke fila fali ba pessoal ida-idak (Feto-mane) oinsa atu kontrola nia an. no mos bele mos utilija ho lei ida hodi nune kontrola nia forsa hanesan maluk dehan.
Saida maka hau la komprende maka nusa uja fali variabel sira hanesan ne'e (Berlaki no Puder) maka sai hanesan faktores ida causal ba violensia domestiko iha tempo modernu ne'e???

Sei karik ida ne'e maka ita sei la resolve problema ida......

Regina Da Conceicao Maun Josh Trindade Ami feto sira fo poder barak ba mane tamba ami hatene katak aban bairua nia hatene kaer poder'ne nie benefisu seidiak ba buat barak. agora ne nia sidauk hatene uja poder nebe mak ami fo antau violesia domestika mosu, mai be ami sentideit no simu no laran diak. Ne ami feto sira nia responsabel atu hadia mane no fo dalan ba domin no paz. :)

Arsenio Borromeu Miga: Tuir ita hanoin faktores saida dt maka sai causal ba violensia domestika?
Fokupers nia pesquija no relatorio ba hau la signifikante tanba variabel nebe maka sira hatama ba Erru liu kedas (Hau sidauk le'e, maibe hatuir Maun Josh Trinidade nia post dt- Barlaki & Puder)

Abraso



Josh Trindade Bele hare evidensia kona ba fontes poder, autoridade, valor femininu iha Timor-Leste. Bele hare video ne'e, husi Suai Loro, sira hatudu LIURAI FETO (ida nebe fo poder).....http://www.suaimediaspace.org/friends-of-suai-port-phillip/category/news/suai-friends-visit-port-phillip/suai-visit-reports/suai-visit-2011/2011-uma-lulik-ceremony-suai-loro/

Arsenio Borromeu Belun Josh Trindade faktores ekonomia, Fiar malu, domin, relasaun intimu tengke hatama hotu ba nudar variabel explanation ba iha variabel Violensia Domestika......Tanba Maun Josh le'e na, atu husu dt katak iha variabel sira ne'e ka lae???
Hu aseita total katak feto maka fo puder ba mane. Fokupers nia hakarak Atu hatu'ur puder Feto ho Mane hanesan ka atu hadau Puder ne'e??? ida ne'e maka hau nia perguntas

Josh Trindade Edukasaun mak resposta.... kria balansu matenek entre feto no mane....

Josh Trindade Hau mos seidauk lee relatorio ne'e... hau hare deit intervista iha TVTL hodi kalan.... Hau la gava sira nia relatoriu tamba seidauk lee....

Arsenio Borromeu Ida ne'e foin resolve variabel ida...(Ekonomia) husi edukasaun sei fo posibilidade ba feto ajuda mane aumenta cresemento economia familia nian...mais oinsa ho variabel seluk?
Atu atinji MDG...Estado Timor fo na prioridade ba asumto edukasaun no genro...Maibe hau fiar katak violensia domestika sei akontese nafatin.

Josh Trindade Luta nafatin hasoru violensia durante ita sei moris.....

Josh Trindade Luta hasoru violensia to'o mate.... ida ne'e mak ita nia avo sira halo. Tamba avo sira wainhira mate, barak mak hanorin hele liafuna sira hanesan ne'e: "imi hare malu didiak, maun-alin lao hamutuk, alin-maun fo limanba malu, bin-alin tur hamutuk, feotsan-umane ajuda mau, rian fetosan - rian umane hare malu.... Ida ne'e evidensia ida hatudu katak, to'o mate mos, AVO SIRA SEI LUTA KONTRA VIOLENSIA ..... Agora husu tok ita BEI OAN sira agora. Saida ona mak ita halo hodi kontra VIOLENSIA?

Josh Trindade Ita mesak feton nian deit, nan nian deit.....

Josh Trindade Avo sira gasta sira nia energia ikus liu (besik mate), sira uja enerjia ida ne'e hodi luta kontra violensia iha dala ikus..... TO'O MATE